Bòn Fèt Manman
Pouki
Ou tris konsa manmi
Pa di
Sa fè w soufri paske m grandi
Menm si
Lavi fè mwen pati
Jodi
Nan w lòt abri m bati w fanmi
-Pon-
Se ou k montre m tout sa m konnen
Ki fè m gen w desten
Se afeksyon ke w te ban mwen
Ki fè m ka renmen
Menm si mwen pa rele w ni wè w souvan
Plas ou se nan fon kè mwen manman
-2-
M sonje
Se ou k fè m ap mache
Kote
Menm pye pa ou pa t janm pile
W pote m
Tankou w trezò kache
W gide m
Sou wout Bondye jouktan m sove
Jiska prezan
Sa toujou menm jan
Ou san ranplasan [Wo o oh]
Manman wo
Sou chimen lavi
Ou aprann mwen fè 2
[Sa se manman pa m nan]
Ou ta vle mouri
Si w wè m ak dlo nan je
[Sa se manman pa m nan]
Ou pran baf, ou pran kou
Ou pa janm sispann batay
[Sa se manman pa m nan]
Ou menm bliye tèt ou
Ou di fò m yon bagay
-2-
Ou kraze pòt lanfè
Fè dyab eksplikasyon
[Sa se manman pa m nan]
Pran seren, pran koutlè
Ak kout imilyasyon
[Sa se manman pa m nan]
Ak yon ti bak sirèt
Ou ban m edikasyon
[Sa se manman pa m nan]
Ou fè lenmi, w fè dèt
Ou menm pran madichon
Wi manman se ou
Ki met lanmou nan kè m
Wi manman se ou
Ki trase wout bonè m
Wi manman se ou
K ap soufri depi m tibebe
Wi manman se ou
Jiskaprezan kè w sote Woooooo
Wi manman se ou
Depi mwen pa rele
Wi manman se ou
Si m yon moun jodi a
Wi manman se ou
Ki te travay pou sa
