Demitou , TiBob de Nazareth , CD filisten anvayi m , Lyrics

Demitou

Jodi a m ret douvan glas
Pou m byen gade m fasafas
Ki move tras ki enpas
Ki fè m nan nas

Lespri m pran fè “les 100 pas”
Konsyans mwen kanpe an kwa
Desten m rete aleka
Kè m nan traka

Pon
M ap lage sa
Se pa vi m sa
Mwen pral fè yon detou
M pral bay Satan yon kou

Kraze baryè
Janbe fwontyè
M deja pran gran lizyè
M pa p gad dèyè

Refren
Mwen pa konn kote m prale
Men m konn kote m vle rive
Fò m wè ak papa Bondye
Pou m konfese

-II-
Genyen k di m son w ka pèdi
Menm lanfè pa fè m kredi
Sèkèy bay souf mwen defi
M la pou m mouri

Se mwen k te lespwa fanmi m
Se mwen k te lavni peyi m
Plezi lachè avili m
Nanm mwen enfim

-III-
Satan fè m fè twòp betiz
Fwa sa a mwen pa p ba l ekskiz
Anvan lanmò fè m sipriz
M pran wout legliz