Kondoleyans a Frè Limaj
Gen ka ki rive
sou chimen syèl la
si nou pa danble
blennde ak lafwa
sa ka rann nou mizerab
sa ka fè n dekouraje
fè tout moun ap di podyab
tèlman n aflije
Nan moman sa yo
fò n pran prekosyon
satan agogo
ap fè tantasyon
fè nou pran mande pouki
kesyone lanmou Bondye
fè n bliye wout paradi
toujou gen kriye
Refren
Li ale
Limaj frè mwen fò w konsole w
Li ale
Bondye ki bay Bondye ki pran
Li ale
Kou sa fè mal men fò n sonje
Li ale
Nenpòt kijan fò k non li loure
WWWOOOOOY!
Fò k nou loure l!
Job pase ladan n
li pa ebranle
l ap vin sanzatann
fò n toujou pare
fò k nou pa fonde fwa nou
sou favè lesyèl fè nou
men n dwe loure non Bondye
pou sa ke li ye
Lè l ape travay
nou ka pa konprann
li kraze miray
menm lanmè li fann
menm si w wè w gen dlo nan je
pa di son w mal w ap peye
pafwa li fè nou kriye
pou li ka sove n