Ki sa pou n ta itilize
Pou mezire lanmou Bondye
Eske gen bagay sou tè a
Ki ka ranplase lanmou sa a
Menm si n ta gen le monn antye
Menm si nou ta pi gwo savan
Men sa pa tap janmè ase
Pou eksplike kouman li gran
Li soti pi lwen ke sous yo
E li deplase tout mòn yo
Lanmou sa a pi fon ke lanmè
E li depase linivè
Se sa ki fè jezu mouri
Pou n te ka gen espwa lavi
Ki sa nou ta ye jodia
Si se pat grandè lanmou sa a
San li koule pou tout nasyon
Pou sove tout jenerasyon
San kondisyon san patipri
Lanmou sila li san mezi
Auteur: Lucson Casimir
- Advertisement -
