jou

1 Bò pui Jakòb la yon jou Senyè a Rankontre yon Samaritèn Ki vini pran dlo, Jezi mande li bwè Fanm sila etone Eske ou pa konnen Jwif avèk Samaritèn Pa gen okenn rapò, Pa gen okenn relasyon; Pouki ou mande mwen bwè. Si ou te konnen ki don Bondye E kilès ki diw ba li bwè Se ou menm pito ki ta mande E mwen ta ba ou yon bon dlo; Yon dlo ki pap janm fini E ki va dire nan lavi ou Pou tout letènite. Refren Mezanmi tande mwen Jwenn yon nonm Ki di mwen tout sa mwen fè, Nonm sila se yon pwofèt Eske se pa li menm ki Kris la! Mezanmi tande mwen Jwenn yon nonm Ki di mwen tout sa mwen fè, Nonm sila li se pitit Bondye Se li menm ki Mesi a, Li konnen tout sa ki nan kè mwen. Sa se yon bagay ki mèvèye! Li ban mwen yon dlo Pou mwen pa janm swaf. 2 Lè fanm nan tande Jezikri Kapab ba li yon dlo Pou li pa janm swaf, Fanm nan etone pi plis Li mande ki kote ou Va jwenn bon dlo? Tou de men ou vid Ou pa gen anyen pou pran dlo Eske ou pi gran pase Jakòb ki bay pui sa a, Ban mwen yon ti gout ladann. Jezi di fanm nan: kote mariw, Ale chachel epi vin jwenn mwen. Fanm nan bay manti Men, elas! Pa gen pyès moun Ki ka twonpe Jezi Ou di ou pa gen mari, E poutan ou pase senk deja E dènye a pa pou ou. 3 Mezanmi tande mwen jwenn yon nonm Ki ban mwen yon dlo Pou mwen pa janm swaf (bis 3 liy) Vini bwè dlo sa a Epi swaf ou va pase.

1 Mwen sonje yon jou Kijan mwen te malad Doktè te di konsa Li pa kwè map sove Paranm yo tande sa, Yo tout te pran kriye Men Jezi te pale nan jou sa a. Kè Mwen pa kapab bliye, bliye jou sa a Kòman poum ta bliye jou sa a Joum te jwenn soulajman Pou nanm mwen Glwaradye! (2 fwa, 4 liy) 2 Lè mwen pat gen Jezi Kè mwen te toujou tris Mwen pat kapab manje, Mwen pat kapab dòmi Lèm rankontre Jezi Tout bagay te chanje Ala yon bon zanmi se Jezi! 3 Lè mwen te nan lemonn Mwen toujou tap kriye Peche mwen yo te wouj E tèt mwen te chaje Chak jou mwen te leve Pwoblèm agoch, adwat Mwen te remèt lavim bay Jezi. 4 Jodi a si gen moun Ki poko gen Jezi Kouri vit akseptel Paske lè a rive Nan Jezi gen lavi, Gen lajwa nan Jezi Nan Jezi gen yon lèt kap koule.

1 Yon jou m te pèdi nan chemen an Mwen pa te ka konnen Ki kotem dwe ale Men yon nonm te vini pran men mwen E li te kondui mwen kote dlo a byen fre. Kè Jezi se Wa, Jezi se Wa Jezi se Wa tout wa Lap vin chache mwen Pou male nan syèl la Jezi se Wa tout wa. 2 Depi jou menl te poze sou mwen Lavi mwen te chanje E nanm mwen te vin lib Nan kè mwen toujou genyen yon chan Ki temwanye grandè Gran lanmou li pou mwen. 3 Ala yon si gran jou sa va ye Lè Jezi va vini Pou pran mwen avèk ou Anpil moun va di: Senyè! Senyè! Men yo pap ka antre nan bèl vil selès la.