NAN

1 Gen moun ki konprann ale nan syèl la Se tankou pran panye ale nan mache, Se pa bèl kay, ni lajan ak bèl oto. Refren Ale nan syèl se pa jan ou konprann nan, Fòw met lafwaw nan Jezikri Pouw ka ale nan syèl. Ale nan syèl se pa janw konprann nan, Fòw met lafwaw nan Jezikri, pouw ka ale. 2 Malgre nap chante, malgre nap priye Malgre nap jene temwanye toulejou, Epi gen yon moun ki mare sou kè nou Eske nou se moun ki kwè nan Kris? 3 Ou gen si lontan depi ou nan legliz Konduit ou fè wè ou pako kretyen vre, Renmen an kachèt avèk lemonn yo, Epi nou konprann pou nale nan syèl. 4 Ou genyen dwèt long; ou genyen lang long. Ou genyen de madanm; ou genyen de mennaj. Siw antre nan yon legliz san konvèti Ou pap kapab antre nan syèl la.

1 Yon jou m te pèdi nan chemen an Mwen pa te ka konnen Ki kotem dwe ale Men yon nonm te vini pran men mwen E li te kondui mwen kote dlo a byen fre. Kè Jezi se Wa, Jezi se Wa Jezi se Wa tout wa Lap vin chache mwen Pou male nan syèl la Jezi se Wa tout wa. 2 Depi jou menl te poze sou mwen Lavi mwen te chanje E nanm mwen te vin lib Nan kè mwen toujou genyen yon chan Ki temwanye grandè Gran lanmou li pou mwen. 3 Ala yon si gran jou sa va ye Lè Jezi va vini Pou pran mwen avèk ou Anpil moun va di: Senyè! Senyè! Men yo pap ka antre nan bèl vil selès la.

1 Depi nan tan lontan Lèzòm te toujou mechan Kayen touye Abèl se sa n wè lòm pratike Jezi vin sou latè Pou wete peche kriminèl yo Y aretel, yo touyel, Yo klouwel sou lakwa. Kè Elas! Elas! Mwen regrèt sa pou lemonn Talè konsa lemonn pral boulvèse vre Elas! Elas! Mwen regrèt sa pou lemonn Talè konsa lemonn pral dlo nan je. 2e Kè Elas! Elas! nou wè lemonn mechan vre Peche fè lòm vire do bay Letènèl Jezi vini pou anonse wayòm nan Kote jistis Bondye va eklate. 2 Akab ak Jezabèl Met ansanm yo touye Nabòt Akab ak Jezabèl te panse Bondye pat wè yo Sa pat rete konsa, Letènèl te kondane yo Yon jijman, yon egzanp Bondye trase sou lòm. 3 Lèzòm fabrike zam Se pa pou yo detui pye bwa Lèzòm fabrike zam Se pa pou detui zannimo Lèzòm fabrike zam Se pou yo detui lòm parèy yo Yap touyew, yap jetew Kè yo pa janm sote, elas. 4 Pou nenpòt ti bagay Nou wè moun ape touye moun Pou nenpòt ti plezi Nou wè moun met kouto sou moun Moun paka gade moun Yon moman yo mete ou kadav Yap touye, yap boule, Epi yap banboche, elas.